- 701 -

1446. Mai 6. Breslau.

Notarielle Beglaubigung des den Predigern der liegnitzer Marienkirche durch Vincencius Constan, Altaristen der breslauer Elisabeth-Kirche, gemachten Vermächtnisses.

In nomine domini amen. Sub anno natiuitatis ejusdem millesimo quadringentesimo quadragesimo sexto, indiccione nona, pontificatus sanctissimi in Christo patris et domini nostri domini Eugenii diuina prouidencia pape quarti anno sedecimo, die sexta mensis Maii, hora tercia vel quasi in ciuitate Wratislauie ac in sacristia ecclesie sancte Mariemagdalene in mei notarii publici infrascripti testiumque subscriptorum ad hoc vocatorum specialiter et rogatorum presencia constitutus personaliter scientificus vir magister Vincencius Constan, altarista ecclesie sancte Elizabeth in Wratislauia, sanus mente et corpore, qui ob salutem anime sue et ad honorem beate Marie virginis gloriose quatuor marcas annuos census, quos habet in pretorio Legnicensi Wratislauiensis diocesis dedit, donauit ac nomine veri et legitimi testamenti assignauit honorabili viro domino predicatori verbi dei ecclesie beate Marie virginis ibidem in Legnicz, qui est et qui pro tempore fuerit, in augmentum prioris sui sallarii. Sic tamen, ut legat missam defunctorum bis in qualibet ebdomada pro sacerdote et in suis exhortacionibus predicator faciet exhortacionem more solito pro ipso testatore. Vsufructum prescriptorum censuum ipse dominus et magister Vincencius sibi ad tempora vite expresse reseruauit. Acta sunt hec anno, indiccione, pontificatu, die, mense, hora et loco, quibus supra. Presentibus honorabilibus viris dominis Jacobo Beringer de Somerfelt predicatore et Georgio Sculteti de Monsterberg, altarista pretacte ecclesie sancte Mariemagdalene, testibus ad ad premissa vocatis pariter et rogatis.
Signum notarii.
Ac ego Paulus quondam Nicolai de Hotzinplocz clericus Olomucensis diocesis, publicus imperiali auctoritate notarius prescriptis assignacionibus atque aliis et singulis premissis dum sic, ut premittitur, fierent et agerentur, una cum prenominatis testibus presens fui eaque sic fieri vidi et audiui et in hanc publicam formam redegi, signoque et nomine meis solitis et consuetis consignaui, rogatus et requisitus in fidem et testimonium omnium premissorum.

O. d. St. L. No. 386.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866